Evacuado un home tras inhalar fume debido a un incendio nun brasero da súa vivenda en Camariñas (A Coruña)

Europa Press Galicia
Publicado: miércoles, 5 mayo 2021 9:12
Seguir en

   SANTIAGO DE COMPOSTELA, 5 May. (EUROPA PRESS) -

   Un home foi evacuado a un centro hospitalario despois de inhalar fume debido a un incendio nun brasero da súa vivenda no municipio coruñés de Camariñas rexistrado na noite deste pasado martes.

   Segundo informou o 112 Galicia, o home precisou asistencia médica ao presentar síntomas de intoxicación por inhalación de fume despois de rexistrarse un incendio nun brasero da súa vivenda en Camariñas.

   Os feitos sucederon na Estrada do Vilán sobre as 22,45 horas deste martes. Foi un veciño da persona intoxicada quen alertou do incendio ao 112 Galicia.

   Tras o aviso, os xestores do CIAE 112 puxeron a situación en coñecemento dos Bombeiros de Cee, da Garda Civil, da Agrupación de Voluntarios de Protección Civil de Camariñas e de Urxencias Sanitarias de Galicia-061.

   En concreto, o 061 enviou ao lugar unha ambulancia de soporte vital básico e un equipo sanitario da PAC de Vimianzo para atender ao home M.R.L.C., de 40 anos de idade, que foi levado ao Hospital Virxe da Xunqueira, confirmaron a Europa Press fontes sanitarias.

Contenido patrocinado