Galicia rexistra máis de 370 incidencias na noite de San Juan, con varias persoas feridas por queimaduras

   SANTIAGO DE COMPOSTELA, 24 Jun. (EUROPA PRESS) -

   A central do 112 Galicia xestionou máis de 370 incidencias e 1.427 chamadas na noite de San Juan, entre as 20.00 horas do martes e as 06.00 horas deste mércores. Varias persoas resultaron feridas por queimaduras nas fogueiras.

    Así, un total de 374 incidencias foron por motivos sanitarios, cuestións de seguridade cidadá, incendio, accidentes de circulación e operativos de rescate.

   Nese sentido, 161 intervencións estiveron relacionadas coa asistencia sanitaria: intoxicacións etílicas, desmaios e queimaduras producidas en fogueiras.

   Os corpos e forzas de seguridade actuaron en 67 incidentes por pelexas, agresións, así como por persoas con comportamentos agresivos ou alterados.

    Tamén, segundo a información do 112 Galicia, foron numerosas as incidencias relacionadas con fogueiras descontroladas, incendios en colectores ou situacións parecidas. Todos os casos foron resoltos sen consecuencias de especial relevancia.

A CORUÑA A PROVINCIA CON MÁIS INCIDENCIAS

   Por provincias, a da Coruña foi a que máis número de incidencias rexistrou (194); seguida da de Pontevedra (121); Lugo (38) e Ourense (20).

    A Coruña tamén é o concello máis afectado con 72 incidencias; o de Vigo (27); Lugo (18); Santiago de Compostela (8); e Ourense (7).

QUEIMADURAS EN FOGUEIRAS

   As actuacións máis reseñables nesta noite festiva foron as intervencións sanitarias por queimaduras sufridas en fogueiras.

    Sobre as 00:17 horas deste mércores unha persona menor resultou ferida após caer nunha fogueira na Coruña, polo que sufriu queimaduras nunha man e unha pierta.

    Outro dos sucesos produciuse en Arteixo, ás 01:.35 horas, cando unha persona tivo que ser trasladada ao CHUAC após caer nunha fogueira e sufrir queimaduras.

    Así mesmo, minutos antes das 04.30 horas, unha muller tivo que ser atendida polos profesionais sanitarios na Coruña após caer nunha fogueira e non ser capaz de camiñar.

SEN INCIDENTES DE ESPECIAL GRAVIDADE

   Varias das actuacións tiveron que ver con fogueiras descontroladas e necesitaron a intervención dos servizos de emerxencias, con avisos nos concellos de Noia, Arteixo ou Rianxo. Con todo, ningún destes incidentes derivou nunha situación de gravidade nin consecuencias relevantes.

    A central do 112 Galicia subliñou que, en xeral, a noite de San Juan desenvolveuse dentro dos parámetros habituais para unha celebración destas características, sen que se rexistrasen incidentes de especial gravidade.