Manquiña presenta 'El Indignado', un monólogo que utiliza a sátira como crítica cruel do poder político

A CORUÑA, 20 Oct. (EUROPA PRESS) -

O cómico e actor, Manuel Manquiña, presentou este xoves o seu monólogo 'El Indignado, no que fai unha "crítica cruel" ao poder político a través da sátira.

En rolda de prensa, Manquiña precisou que nesta obra haberá espazo para a crítica, pois, á súa razón, "parece que o ocupan todo os políticos". "Hai que poñer a cada un no seu sitio", afirmou o actor.

O espectáculo comeza facendo unha comparación entre España e Irlanda para dar paso á crítica "dende Nerón a Zapatero", indicou Manquiña, ao mesmo tempo que aclarou que o motivo de nacemento de obra se debe ao descubrimento do personaxe do Imperio Romano, Heliogábalo.

RECORTES

Así mesmo, Manquiña aproveitou para mostrar a súa propia indignación. "Non creo que haxa xustiza independente", dixo. Neste sentido culpou os políticos de "meter presión" e engadiu que "é imposible ter un Estado libre".

Á marxe desta cuestión e preguntado sobre os recortes nas subvencións no ámbito audiovisual galego, o cómico respondeu que "ou ti mesmo te recortas ou senón non hai traballo". "Hai que procurar que os traballos xeren diñeiro por si mesmos", apostilou.

'El Indignado' de Manuel Manquiña estréase, a nivel nacional, este venres ás 20.30 horas no Teatro Colón de A Coruña.