VIGO 13 Mar. (EUROPA PRESS) -
A Policía Nacional investiga unha agresión grupal a unha menor de 13 anos ocorrida o pasado venres, día 6 de marzo, na praza de Barcelos da cidade de Pontevedra.
Segundo fontes policiais consultadas por Europa Press, foi a familia da menor a que acudiu na mañá de onte xoves a denunciar os feitos, após ter coñecementos do mesmo.
A agresión produciuse na tarde do venres entre menores de entre 12 e 14 anos de idade. Grazas á existencia dun vídeo da pelexa, púidose identificar aos presuntos implicados.
Desta maneira, este venres a Policía Nacional está a tomar declaración aos menores, para despois enviar a Fiscalía toda a documentación sobre o caso.
Segundo outras fontes consultadas por Europa Press, supostamente sería unha menor a que agrediu á vítima, comezando unha pelexa entre ambas na que outras mozas se involucraron dándolle patadas e tirándolle do pelo.
A nena, de 13 anos, acudiría ao hospital e presentou o parte de lesións na denuncia, xunto cos vídeos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
