O Porto de Vigo opera con "total normalidade" tras sufrir un ciberataque polo que lle pediron un rescate económico

   VIGO, 25 Mar. (EUROPA PRESS) -

   O presidente do Porto de Vigo, Carlos Botana, afirmou que as instalacións portuarias operan "con total normalidade" tras sufrir un ciberataque que foi neutralizado e que tiña como obxectivo conseguir un rescate económico.

    En declaracións aos medios, Botana detallou que o problema saltou ás 05:45 horas do martes cando "saltaron as alarmas e os avisos" de que había un intento de intrusión no sistema.

    Ante esto, os informáticos illaron ao porto do exterior para "parar o ataque e que o efecto fose menor". Nun primeiro momento avaliaron "cal era a afección" e, posteriormente, un forense revisou cal era a situación e se había indicios que puidesen levar ao causante dese ciberataque.

    "Non debemos restablecer a situación ata que haxa unhas garantías 100% de que non poida haber un novo intento de intrusión e por iso, por agora, estamos a manter o sistema illado", detallou Botana.

    Con todo, "o máis importante" é que o porto "non se está vendo afectado", os sistemas de explotación "non se viron afectados" e o porto funciona dunha "forma máis manual, pero mantendo a operatividade de mercadorías e buques con total normalidade".

    Botana espera que a situación se restableza "no menor tempo posible", pero sempre que se garanta a "seguridade e unha instalación estratéxica como é o porto". "Ata que haxa todas as garantías de que non haxa ningunha posibilidade de tenten volver atacar a instalación, non nos conectaremos", subliñou.

   A continuación, o presidente do organismo sinalou que "identificaron por onde entrou o ataque", que tiña como obxectivo conseguir un rescate económico.