SANTIAGO DE COMPOSTELA, 26 Jul. (EUROPA PRESS) -
A deputada socialista Silvia Longueira denunciou este sábado que a Xunta abrise "en pleno verán e sen darlle difusión" un período para realizar suxerencias á actualización do Plan xeral de normalización da lingua galega. Neste sentido, criticou a "nula vontade" do Goberno que preside Alfonso Rueda para que ese plan "sirva" para incrementar o uso do idioma.
Segundo detallaron os socialistas nunha nota de prensa, trátase "doutro movemento máis para evitar un verdadeiro traballo a favor do idioma" e asegurou que "a Xunta pretende que non se tome en serio ao galego".
Neste contexto, Longueira lamentou que o PP use nos seus eventos a figura de Castelao e, ao mesmo tempo, "opere en contra do uso do galego nas institucións europeas, rexeitando por segunda vez a cooficialidade na UE e animando aos conservadores a oporse".
"Isto sucede mentres a Consellería de Cultura dálles publicidade aos grupos de traballo que constituíu para dotar de contido a renovación do plan, pero a realidade é que a lingua está a ser vilipendiada e rexeitada polo Partido Popular", asegurou a parlamentaria do PSdeG.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
