SANTIAGO DE COMPOSTELA, 29 Abr. (EUROPA PRESS) -
O presidente da Xunta, Alfonso Rueda, esixiu "saber cales foron as causas" do apagamento, "con aval técnico", a partir do cal "haberá que delimitar" as "correspondentes responsabilidades".
"Todos esperamos explicacións das causas dos acontecido", sentenciou o titular do Goberno galego nunha comparecencia na tarde deste martes na sede da Xunta.
O presidente do Executivo autonómico pide "saber que pasou realmente" neste apagamento en todo o país que provocou afectacións "moi claras" a empresas, particulares e servizos públicos.
Considera que, de cara a "evitar na medida do posible que isto volva suceder", "é fundamental saber as causas, saber que sucedeu".
Así o expuxo nunha comparecencia na que valorou o "exemplo de colaboración" entre Goberno central e Xunta durante este apagamento masivo, á vez que enxalzou o "civismo, compromiso e resistencia" dos galegos ante unha "situación descoñecida e inquietante". "O pobo galego deu un magnífico exemplo", afirma.
Igualmente, Rueda anunciou que este mércores, 30 de abril, retómanse as clases en todos os centros educativos de Galicia, así como o funcionamento normal das escolas infantís.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
