Salvamento intensifica a busca dos mariñeiros desaparecidos do 'Mar de Marín'

Mar de Marín
Foto: SALVAMENTO MARÍTIMO
Europa Press Galicia
Actualizado: miércoles, 9 abril 2014 15:15
Seguir en

VIGO, 9 Abr. (EUROPA PRESS) -

   Salvamento Marítimo intensifica este mércores a busca dos dous mariñeiros do pesqueiro 'Mar de Marín', un deles galego e outro de Ghana, que permanecen desaparecidos tras o naufraxio acontecido hai nove días na Ría de Vigo.

   Segundo informaron a Europa Press fontes de Salvamento Marítimo, o dispositivo de rastrexo refórzase este mércores porque se cumpren os nove días dende o afundimento, o que aumenta a posibilidade de que, se os corpos estaban no fondo, emerxan á superficie.

   Por iso, esta xornada o dispositivo de busca amplíase dende a entrada da Ría de Pontevedra ata O Grove, e inclúe a zona da Illa de Sálvora.

   En concreto, pola mañá participan no dispositivo coordinado por Salvamento, o patrulleiro 'Tabarca' e os helicópteros 'Ángel' da Policía Nacional e 'Pesca 1' da Xunta.

   Pola tarde, está previsto que colaboren nos labores de rastrexo o helicóptero 'Cuco' da Guardia Civil e 'Argos' de Vixilancia Aduaneira, así como a patrulleira 'Halcón'.

   Mentres, na zona do afundimento do pesqueiro, ao Sur da Ría de Vigo, atópanse fondeadas as embarcacións de Salvamento 'Sar Gavia' e 'Salvamar Mirach', e a 'Sebastián Ocampo' da Xunta, que están con preparativos para realizar as inmersións previstas ao final da semana.

Contenido patrocinado