SANTIAGO DE COMPOSTELA 23 Ene. (EUROPA PRESS) -
Dous portos de montaña da rede secundaria da provincia de Lugo requiren nas primeiras horas deste mércores cadeas para circular, mentres que no resto das estradas de Galicia la Dirección General de Tráfico (DGT) recomenda "precaución".
Segundo explicaron a Europa Press fontes da DGT, son necesarias as cadeas para circular nos portos da LU-530, que vai cara A Fonsagrada, e na LU-633, na zona de Pedrafita do Cebreiro.
No resto das estradas galegas non hai restricións para circular, pero Tráfico apela á prudencia dos condutores pola presenza de neve ou xeo nalgúns puntos.
De feito, o 112 recibiu varias chamadas nas últimas horas advertindo de dificultades para circular nalgúns puntos pola neve ou o xeo, sobre todo en zonas da montaña de Lugo e Ourense, así como no interior de Pontevedra, mentres que no interior da provincia da Coruña se rexistraron poucas incidencias.
O servizo de emerxencias indicou, en concreto, que no municipio pontevedrés de Covelo había unha estrada provincial que vai á parroquia da Graña na que era difícil circular.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
