SANTIAGO DE COMPOSTEla, 22 Oct. (EUROPA PRESS) -
O Goberno central e a Xunta de Galicia avaliarán hoxe en Santiago de Compostela o balance da campaña de incendios do pasado verán en Galicia e establecerán as actuacións para as situacións de emerxencias que se produzan en 2008.
Para iso, o subsecretario do Ministerio do Interior, Justo Zambrana, trasladarase á capital galega para reunirse cos responsables con competencias na materia, é dicir, o conselleiro de Presidencia, José Luis Méndez Romeu, e o de Medio Rural, Alfredo Suárez Canal.
A cita comezará ás 10.00 horas nas dependencias da Consellería de Presidencia e, nela, a Administración estatal e a autonómica presentarán o balance da loita contra o lume neste 2007 e deseñarán o paquete de accións ante casos de emerxencias para o ano que vén.
