Pontevedra, a provincia con máis sinistros, cun total de 33
SANTIAGO DE COMPOSTELA, 17 Ago. (EUROPA PRESS) -
O servizo de urxencias sanitarias de Galicia (061) asistiu a 92 persoas durante esta fin de semana, na que as estradas galegas rexistraron un total de 67 accidentes de tráfico.
Así, a central de coordinación do 061 recibiu nestes días 82 chamadas por sinistros. Delas, os servizos sanitarios tiveron que realizar 67 asistencias a un total de 92 persoas.
Segundo informou a Consellería de Sanidade nun comunicado, estas cifras corresponden ao período abranguido dende as 15,00 horas do venres 14 de agosto, ata as 23,59 do domingo 16.
En 83 ocasións os feridos foron trasladados aos centros sanitarios, oito casos atendéronse no propio lugar do incidente e unha persoa faleceu no lugar do sinistro, no municipio coruñés de Ames por un accidente de moto.
MÁIS SINISTROS EN PONTEVEDRA
O maior número de atencións por sinistros rexistrouse o sábado con 26 accidentes. Mentres, por provincias, Pontevedra foi a que máis sinistros anotouse, un total de 33.
Por outra banda, a proporción de homes e mulleres atendidos foi do 56 e o 44 por cento, respectivamente. As idades dos feridos comprenden entre os 20 e os 49 anos no 60 por cento dos casos.
