SANTIAGO DE COMPOSTELA, 11 Jul. (EUROPA PRESS) -
O covoceiro de Anova e histórico político nacionalista, Xosé Manuel Beiras, defendeu este sábado unha candidatura para as eleccións xerais na que Galicia manteña a súa "identidade" e non sexa un "apéndice" dunha "marca política", como "Podemos" ou "Izquierda Unida".
Para Beiras, esta candidatura, cuxo "motor primordial" debe de ser a cidadanía e a súa expresión "máis clara" as mareas, non debe de ser "unha alternativa electoral organizada en forma de coalición das forzas políticas nacionalistas". De feito, remarcou que a nación galega é unha "realidade social" que "transcende o espazo das forzas políticas nacionalistas".
Por iso, apostou por que aquelas organizacións políticas que abranguen o ámbito estatal poidan incluirse con "iniciativas" que "son da nación galega, euskaldún ou catalá". Así, ve un "erro" "confundir a nación galega co espazo nacionalista", en referencia ao BNG.
(HABERÁ AMPLIACIÓN)