Munduko edozein tokitan euskarazko komunikazioa errazteko kanpaina abiarazi du Eusko Ikaskuntzak

Actualizado 2016/11/10 12:14:53 CET

DONOSTIA, 23 (EUROPA PRESS)

   Eusko Ikaskuntzak "Euskara pil-pilean" kanpaina jarri du martxan, abenduaren 3ko Euskararen Nazioarteko Egunaren harira, munduko edozein tokitan euskaraz egindako komunikazioa errazteko asmoz.

   Horretarako, Mintzanet munduko edozein txokotan egonda euskaraz hitz egiteko aukera eskaintzen duen proposamenarekin elkarlanean, euskara maila altua duten eta 'Skype' bidez beste batzuri lagundu nahi dieten edota maila apalago batetik hizketa praktikatu nahi duten pertsonak bilatuko ditu Eusko Ikaskuntzak, batzuek zein besteei elkarri lagundu diezaieten.

   Modu honetan, euskara maila altua dutenek (Bidelagunak) zein maila baxuagoa dutenek (Bidelariak), www.eusko-ikaskuntza.org/ene webgunean eman dezakete izena abenduaren 2ra arte. Izena ematen dutenen artean opariak zozkatuko dira. "Euskara pil-pilean" kanpaina lagundu dute Karlos Argiñano eta Aitzpoea Oihaneder sukaldariek, besteak beste.

ENE SARIA

   Bestalde, zortzigarren urtez jarraian, Eusko Ikaskuntzak ENE Saria emango du, euskararen eta euskal kulturaren sustapenean atzerriko erakunderen bat aintzatesteko. Irabazleak aitorpen publikoa eta Nestor Basterretxeak diseinaturiko sariaren anagramaren eskultura bat jasoko ditu.

   ENE Sariko hautagaitzak aurkezteko epea azaroaren 25ean bukatuko da, eta Eusko Ikaskuntzak abenduaren 3an ezagutaraziko du irabazlearen izena, Euskararen Nazioarteko Egunaren ospakizunean.

Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies