Un ferido grave e tres leves tras sairse da vía un vehículo e chocar contra un poste en Nogueira de Ramuín (Ourense)

Europa Press Galicia
Actualizado: lunes, 5 enero 2009 10:27
Seguir en

OURENSE 5 Ene. (EUROPA PRESS) -

Un ferido grave e tres feridos leves é o balance dun accidente de tráfico rexistrado tras sairse un vehículo da vía e chocar contra un poste na estrada OU-0508 na localidade ourensana de Nogueira de Ramuín.

Segundo informou hoxe a Guardia Civil de Tráfico de Ourense, o sinistro tivo lugar onte sobre as 20.30 horas no quilómetro 6,1 da estrada OU-0508 no termo municipal de Nogueira de Ramuín.

Un vehículo que circulaba pola zona saíuse da vía pola súa marxe esquerda e colidiu contra un poste. Como consecuencia da colisión, resultou ferida grave a condutora, de 18 anos de idade.

Pola súa banda, os seus tres acompañantes, con idades comprendidas entre os 16 e os 18 anos, resultaron feridos leves. Tráfico sinalou que todos os ocupantes do turismo levaban postos os cintos de seguridade.

Contenido patrocinado