O subdelegado do Goberno en Pontevedra acusa de "historicamente positivo" o descenso da sinestralidade vial na provincia

PONTEVEDRA 30 Dic. (EUROPA PRESS) -

O subdelegado do Goberno en Pontevedra, Delfín Fernández, cualificou hoxe de "historicamente positivo" o descenso da sinestralidade vial nas estradas interurbanas da provincia, e lamentou que non se poida aplicar esa mesma valoración ás vías urbanas onde, recordou, a responsabilidade é dos concellos.

"Hai concellos que avanzaron moito pero outros non avanzaron suficientemente", reprendeu Delfín Fernández tras referir que durante 2008 houbo 45 mortos en vías interurbanas e 20 en vías urbanas.

O subdelegado do Goberno insistiu en que "visto no conxunto dos últimos dez anos, a sinestralidade foi descendendo sistematicamente nas vías competencia da Dirección Xeral de Tráfico, mentres que nos concellos temos a cruz", tras o que apelou á necesidade de que os concellos se "tomen serio a seguridade vial, porque teñen plenas competencias na materia".

Fernández considerou que o "desafío" do Estado para 2009 en materia de seguridade vial é "manter a presión" nas vías interurbanas, para seguir reducindo a sinestralidade, e "colaborar intensamente" cos concellos.

"Deben aplicar o permiso por puntos, instalar semáforos, reducir a velocidade, recorrer a máis pasos de peóns e premer a través da policía local" insistiu Fernández ao referir algunhas das medidas que os concellos poden arbitrar. A súa "responsabilidade", concluíu, é "regular nas súas propias vías" con medidas que están á súa disposición para combater a "evolución tan irregular que caracterizou os últimos 10 anos".