El Aaiún ta "tomada polos militares", asina como pro Saharagüis

MADRID, 9 de Payares (EUROPA PRESS)

Delles fontes saharagüis y pro saharagüis informaron que la situación na capital de Sáhara Occidental, El Aaiún, ye d'una "calma mui tensa" y que la ciudá ta "tomada polos militares". Coles mesmes, denunciaron qu'a lo llargo de la nueche rexistráronse asaltos y quemes de viviendes y automóvil, nos qu'intervinieron colonos civiles marroquinos "col beneplácitu de les autoridaes".

"El Aaiún ta tomada polos militares", informó a Europa Press una vocera de la organización non gubernamental Thawra, que cuenta con dos compañeros sobre'l terrenu, Silvia García y Javier Sopeña. Los dos españoles, esplicó, "alcuéntrense caún nuna punta de la ciudá y nun pudieron alcontrase tovía". "Él pudo salir a cuerpu de la ciudá y ella alcuéntranse con un grupu de muyeres que llegaron un poco tarde a les sos cases", añadió.

Según les informaciones de que dispón Thawra, procedentes de "delles persones presentes nel terrén, pel momentu rexistróse la muerte de siete saharagüis, seis nel campamentu de protesta desocupáu y ún ("el qu'apaeció nes fotografíes") na mesma ciudá.

Amás, prosiguió, nes últimes hores quemáronse "tolos coches de los saharagüis", "estrozáronse" numberoses viviendes y rexistráronse "munchos deteníos", treslladaos a cárceles y cuarteles. Tamién s'informó de sobre 300 desapaecíos, ente ellos "munchos neños que salieren de la escuela", desconociendo les sos families la suerte que corrieron.

"CALMA MUI TENSA"

Pela so parte, el presidente de l'Asociación Saharagüi pa la Defensa de los Derechos Humanos, Ramdan Mesaud Larbi, declaró a Europa Press dende El Aaiún que la situación nestos momentos ye de "calma muy tensa" y que s'aprecia una fuerte presencia militar nes cais de la ciudá.

Coles mesmes, esplicó que la población "zarróse nes sos cases" y que dellos "civiles non autóctonos" (marroquinos) pasiáronse anueche peles cais con una "actitú provocadora" contra les viviendes de los saharagüis, a los que faltaben y llamaben "traidores". "Lo peor ye que diben acompañaos de la Policía, lo que significa que contaben col beneplácitu de les autoridaes".

Per otra parte, l'activista saharagüi Elghalia Sjimi (de l'Asociación Saharagüi de Víctimes de Violaciones de Derechos Humanos y antigua compañera de prisión de la tamién activista Aminetu Haidar) declaró a Europa Press que nel so barriu la situación ye nesti momentu "tranquila".

Sicasí, esplicó, llegaron noticies d'actos de violencia y de quemes de cases n'otres zones d'El Aaiún, según los testimonios de munches muyeres que nun pudieren llegar a les sos cases y que tuvieron que pasar la nueche nes viviendes de los sos familiares. "Pudieron llegar a les sos cases y contáronmos que pasaron mieu por causa de la violencia", añadió.

Djimi aseguró tamién que s'aprecia "muncha presencia militar" nes cais de la ciudá y alvirtió que, pel momentu, "nun hai cifres exactes" sobre víctimes de la operación militar y policial llanzada ayeri llunes por Marruecos contra'l campamentu de protesta y contra El Aaiún.