ROMA, 16 de Setiembre (EUROPA PRESS)
El primer ministru, Silvio Berlusconi, calificó a la canciller alemana, Angela Merkel, de "culona mantecosa infollable" nuna de les llamaes interceptaes pola Fiscalía de Nápoles al periodista Valter Lavitola pol casu d'estorsión contra'l mandatariu, según informa'l diariu 'Il Fatto Quotidiano'.
L'insultu, que tovía nun se comprobó si ye ciertu, interceptólu la Fiscalía de Nápoles, qu'investiga a Lavitola, al empresariu Giampaolo Tarantini y a la so muyer por una supuesta estorsión al 'premier'. Según aseguraron los fiscales de Nápoles, Lavitola y los otros dos imputaos aportaríen moces pa les fiestes del primer ministru.
Sicasí, la supuesta conversación nun la trescribieron los fiscales, anque l'insultu saltó yá a los medios alemanes y el diariu 'Bild' publicó un artículu nel que se pregunta si Berlusconi fairía bromes sobre Merkel.
El vicepresidente de la Cámara de los Diputaos, Rocco Buttiglione, declaró al rotativu alemán que "si les declaraciones son verdaderes" y el primer ministru dixo unes palabres "tan inaceptables", l'efectu pa Italia sería "dramáticu" porque "ye cuspir al que te da una mano".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
