Cerca de 800 persones inscrites nes primeres pruebes oficiales d'asturianu, pa les qu'había 500 places

Llibru de llingua asturiana.
EUROPA PRESS.
Actualizado: jueves, 20 febrero 2020 13:15

UVIÉU, 20 Feb. (EUROPA PRESS) -

Un total de 782 persones inscribiéronse pa solicitar participar nes primeres pruebes de certificación de llingua asturiana qu'entama la Conseyería d'Educación del Gobiernu autonómicu, anque namás van poder concurrir un máximo de 500 aspirantes.

Esti 2020 ye la primer vez que s'entamen estes pruebes. El Principáu decidió principiar col nivel intermediu B2 y acutar un máximu de 500 places pal exame que se va celebrar a finales de mayu n'Uviéu.

La primer convocatoria perpasó esa cifra y un total de 782 persones inscribiéronse, según datos de la Conseyería d'Educación facilitaos a Europa Press.

A partir d'agora, van convocase polo menos una vez al añu pruebes pa un mínimu d'ún de los niveles: básicu A1, básicu A2, intermediu B1, intermediu B2 y avanzáu C1. En caún va haber una prueba de certificación qu'acreite'l nivel de comprensión y espresión oral y escrita en llingua asturiana.

Asturianu ofrecido por