Colombia alerta de la posible erupción del volcán Galeras

BOGOTÁ 24 Ago. (EUROPA PRESS) -

El volcán Galeras, allugáu nel oeste de Colombia, podría entrar n'erupción nos vinientes díes o selmanes, polo que les autoridaes colombianes punxeron a furrular tolos protocolos necesarios para evacuar a les de cerca de 8.000 persones que viven nos municipios asitiaos na fastera cimera'l monte, informó'l ministru del Interior colombianu, Germán Vargas Lleras.

L'Institutu Colombianu de Xeoloxía y Minería (Ingeominas) llevanto fasta Nivel II (naranxa) l'alerta pola posible erupción del Galeras, allugáu nel Departamentu de Nariño. La decisión foi poco dempués del mediudía, después detectar un seísmu de 4,6 graos na escala de Richter a la vera'l cumal del volcán, señaló Ingeominas nun comunicáu.

"Nivel II significa erupción probable en términu de díes o selmanes", señaló Vargas Lleras en declaraciones recoyíes pol diariu 'El Tiempu'. Amás, el ministru del Interior colombianu avisó a los habitantes de los llugares que pue afectalos la llava y que que se treslladen "entainando" a los albergues dispuestos poles autoridaes.

"La Dirección de Xestión del RiesgU, del Ministeriu del Interior y de Xusticia, punxo tolo necesario pa que los habitantes y llugareños tiren apriesa pa los albergues que punxeron, onde van tar atendíos no fundamental: techu, comida y servicios de salú" amestó Vargas Lleras.

Ingeominas añadió que dende'l pasáu vienres detectáronse cerca de 400 seísmos d'estremaes intensidaes dientro del Galeras. El nivel d'alerta naranxa indica que tien qu'entamase'l procesu d'evacuación pa los nueve albergues puestos poles autoridaes nos municipios de Pasto, La Florida y Nariño, que tienen capacidá p'abellugar unes 8.000 persones que viven na fastera d'amenaza, informaron les autoridaes locales a l'axencia Colprensa.