Manu Brabo: "cagámosla pisando un poco más de lo que teníamos que pisar"

((esta noticia sustitúi a l'anterior pol mesmu tema por dellos errores na torna))

UVIÉU/MADRID, 20 de Mayu (EUROPA PRESS)

El fotoperiodista español Manuel Varela de Seijas Bravo, que firma como Manu Brabo, relató esti vienres cómo lu detuvieron y pasó los sos 43 díes de cautiveriu, reteníu poles fuerces lleales a Muamar Gadafi. "Cagámosla pisando un poou más de lo qu'igual teníamos que pisar", dixo a manera de reflexón.

En rueda prensa nel aeropuertu de Madrid Barajas, onde apaeció acompañáu polos sos padres, esplicó que'l 5 d'abril pasáu él y otros compañeros alcontrábense en "primer fila" de batalla, mientres un contraataque de les fuerces de Gadafi, sobre "l'exércitu de Panchu Villa" de los rebeldes, cerca del enclave petroleru de Brega.

Los rebeldes escaparon y dexaron a los periodistes a la so suerte, que tornaron en "blancu" de les tropes de Gadafi. Brabo púnxose a cubiertu, pero'l so compañeru sudafricanu, Anton Hammerl, resultó firíu. Cuando les tropes de Gadafi lu garraron a él y a otros dos periodistes, Brabo vio a Hammerl "pálidu y coles tripes fuera". A Hammerl nun lu subieron al furgón, xunto con ellos trés.

Nun siendo los "mulatazos" que recibió cuando lu garraron, Brabo relató que nun lu maltraron y indicó que, xunto coles xestiones esplegaes pa lliberalu pol diplomáticu español Diego Ruiz, el papel de Turquía tamién foi clave.