AYUNTAMIENTO DE GIJÓN - Archivo
UVIÉU, 17 Jul. (EUROPA PRESS) -
La Conseyería de Cultura, Política Llingüística y Deporte abrió un periodu de consulta pública previa pa la ellaboración de les nueves bases reguladores de subvenciones destinaes a profesionales y empreses del sector cinematográficu y audiovisual.
Esta iniciativa tien como oxetivu afaer el marcu normativu a la evolución del sector y ameyorar la eficacia de les ayudes públiques. La consulta va tar abierta hasta'l 22 de xunetu y les aportaciones van poder unviase al corréu electrónicu participaasturias.org.
Esta fase participativa va dexar recoyer opiniones y propuestes antes de redactar el borrador de la norma, en llínea coles directrices de participación ciudadana del Principáu.
Les nueves bases busquen fomentar y cofinanciar actividaes como la producción audiovisual, la escritura de guiones, l'asistencia a festivales, la organización de certames, los llaboratorios ya incubadores de creación, el desenvolvimientu de proyectos y el sofitu a sales d'exhibición, ente otres.
La regulación enmárcase nel compromisu del Executivu autonómicu col impulsu d'un sector estratéxicu pa la cultura y l'economía asturiana.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
