Un firíu, al salir de la vía'l so vehículu nos túneles del Padrún (Mieres)

Europa Press Asturias
Actualizado: viernes, 27 abril 2012 11:47
Seguir en

UVIÉU, 27 d'Abril (EUROPA PRESS)

Un home resultó firíu, al salir de la vía col vehículu que conducía y topetar contra una muria cuando circulaba pel interior d'ún de los túneles del Padrún, en sentíu Uviéu, en Mieres. L'afectáu, un varón de 38 años d'edá d'iniciales S.B.L. presentaba, a falta de más pruebes, policontusiones de carácter reserváu. Atendiólu nel llugar del accidente l'equipu médicu de la UVI-móvil de Mieres y treslladólu al Hospital Álvarez Buylla.

Según informen fontes del Serviciu d'Emerxencies del 112, al home escarceláronlu del interior del vehículu que conducía, una furgoneta matrícula O-9947-CH, efectivos de Bomberos d'Asturies con base nel parque de Mieres.

El Centru de Coordinación d'Emerxencies del 112-Asturies recibió l'avisu a les 03.50 hores de la madrugada. Foi'l mesmu afectáu'l que llamó a los servicios d'emerxencies. Esplicó que topetara contra la muria dientro del citáu túnel y que taba atrapáu peles piernes.

Amás de comunicar lo asocedío al SAMU, el 112-Asturies, movilizó una dotación, compuesta por trés efectivos, de Bomberos d'Asturies con base nel parque de Mieres. Los bomberos treslladáronse al llugar col vehículu de primer salida y el furgón multisocorru.

Contenido patrocinado