UVIÉU, 29 May. (EUROPA PRESS) -
El candidatu de Foru Asturies a la Presidencia del Principáu, Adrián Pumares, dixo que los resultaos electorales d'esti domingu valen pa "callar munches boques".
"Foru sigue teniendo futuru", afirmó Pumares nuna comparecencia minutos enantes de les 00.00 hores del llunes y depués de celebrar que consiguió caltener representación na Xunta Xeneral y consiguir tamién representación en conceyos.
Pumares señaló que la votación producióse nun "escenariu complicáu" porque se pretendió que se votara "en clave nacional".
"Siempre se venceyó'l futuru d'esti partíu al d'una persona concreta y la realidá ye qu'esa persona yá nun ta y llogramos caltenelo", resaltó.
Dixo que d'equí p'alantre va concentrase nos intereses d'Asturies y en "la defensa de los intereses de tolos asturianos ensin esceición, votárennos o nun nos votaren". "Vamos trabayar nel llugar onde nos punxeron los asturianos, onde nos punxo la sociedá asturiana como fiximos hasta agora", añadió.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
