UVIÉU, 13 Jun. (EUROPA PRESS) -
La Federación Socialista Asturiana (FSA-PSOE) y IX algamaron un alcuerdu pa favorecer n'Asturies gobiernos municipales d'esquierdes. Les comisiones negociadores de dambes formaciones polítiques peracabaron y zarraron un alcuerdu conxuntu que busca l'oxetivu de "facilitar gobiernos municipales fuertes que garanticen l'impulsu de polítiques progresistes".
L'alcuerdu, que ratificó'l secretariu xeneral de la FSA-PSOE, Adrián Barbón, y el coordinador xeneral d'IX, Alejandro Suárez, recueye que, nes sesiones constitutives de los conceyos asturianos que van ser el sábadu 15 de xunu, va favorecese'l gobiernu de la llista más votada de PSOE y IX, bien col apoyu esplícitu a los candidatos y candidates d'esquierdes, ellí onde fuera necesario, bien cola astención.
Amás, les formaciones polítiques firmantes alcuerden, en casu de nun ser la fuercia más votada de dambes organizaciones, nun presentar candidatura pa que terceros nun puedan modificar o alteriar los términos del alcuerdu suscritu ente la FSA-PSOE ya IX d'Asturies.
