Grupu Llobu critica que la xestión de Marcelino Marcos busca los votos del campu, que van dir a Vox

   UVIÉU, 27 Feb. (EUROPA PRESS) -

   El voceru de Grupu Llobu Asturies, Fructuoso Pontigo, reclamó esti vienres la dimisión del conseyeru de Mediu Rural, Marcelino Marcos, al qu'acusa de dexar práctiques illegales na caza del llobu n'Asturies. "Solo piensen nos votos de la xente del campu, cuando toos sabemos que van acabar votando a Vox", apuntó.

   Nuna concentración frente a la Xunta Xeneral, Pontigo denunció que "nun solamente ye illegal que la Guardería mate llobos, ye illegal que lo fagan los cazadores cuando nun ye una especie cinexética" y señaló "qu'agora lo qu'esperemos ye que la llei caya con tol so pesu sobre él".

   Según esplicó, los datos oficiales amuesen que gran parte de los exemplares abatíos son cachorros y que la xestión actual "nun ye una xestión de futuru, sinón inmediata pa quedar bien".

   El voceru sollertó de que la caza indiscriminada de llobos adultos provoca un aumentu de daños a la fauna y a l'actividá ganadera, al alteriar la estructura de les menaes: "Si mates a l'alfa, darréu toles femes de la menada queden en celu", esplicó como exemplu. Según detalló, estes práctiques repercuten nun aumentu de los daños.

   Pontigo defendió como alternativa midíes de convivencia basaes en vixilancia, corralaes y pastoreu, que, según dixo, demostraron ser más eficaces p'amenorgar los daños. "Cuando'l llobu tuvo protexíu y nun se mató llegalmente, menguaron los daños. La única manera de garantizar la convivencia ente les especies y la ganadería ye nun matar los llobos".

   El voceru aportunó en que les sentencies sofiten esta estratexa de caltenimientu y criticó que les polítiques actuales prioricen intereses electorales sobre la protección de la especie.