9 de abril de 2020
 
Actualizado 08/05/2018 15:47:35 +00:00 CET

'Incorrectos' y 'Había ua vez', los llibros más vendíos na 39 Selmana de les Lletres

Incorrectos, de David Artime.
SALTADERA.

UVIÉU, 8 May. (EUROPA PRESS) -

La novela n'asturianu 'Incorrectos', del candasín David Artime, y 'Había ua vez... 101 contos del conceyo del Franco', de Martín de Villar y que recueye cuentos y lleendes en gallego-asturianu, son los dos llibros que más vendieron esta Selmana de les Lletres.

Asina lo indicaron desde les dos principales editoriales de llibros n'asturianu, Trabe y Saltadera. Nesi sentíu, el fenómenu editorial d'esta Selmana de les Lletres ye la novela 'Incorrectos', del periodista candasín David Artime, editáu por Saltadera y que s'escosó nos principales puntos de venta.

La obra narra la historia d'amor d'Aníbal, un violentu neonazi bien conocíu nos ambientes de la estrema derecha madrileña, y Maitane, una militante d'ETA implicada en dos asesinatos.

Per otru llau, según indicaron dende Ediciones Trabe, ta a puntu d'escosase la primer edición de 'Había ua vez... 101 contos del conceyo del Franco', de Martín de Villar, que recueye cuentos y lleendes en gallego-asturianu d'esti conceyu del Occidente.

Otra manera, tamién tán ente los de de más ventes la novela 'La casa de Xuan Buelga' de Gonzalo G. Barreñada, y los llibros de cuentos 'Cuentos de ser y de tar' de Laura Marcos' y 'Histories pa contales (más nomes de muyer)', una antoloxía de lliteratura escrita por muyeres.

Per otru llau, la segunda edición d'una de les obres de más prestixu y ventes de les lletres asturianes, 'Hestoria universal de Paniceiros' de Xuan Bello, y 'Propia xera', de Xuan Xosé Sánchez Vicente, tamién tán ente les obres con más ventes.

Amás, en lliteratura infantil destaca 'El tractorín que quier dormir', traducción a la nuestra llingua de la obra de Carl-Johan Forssén Ehrlin y Sydney Hanson, y el llibru pa primeros llectores 'Los tresportes', d'Esther Prieto y Samuel Castro.