UVIÉU, 21 de Marzu (EUROPA PRESS)
La intérprete de canción asturiano María Sánchez Blanco, conocida como 'La Pastorina del Cares', finó esti domingu en Xixón, a los 41 años d'edá, tres un agravamientu de los problemes de salú que sufría dende va años. Llevaba tiempu separada de los escenarios.
Considerada como una de les meyores voces de la tonada y la canción asturiana de los últimos tiempos, foi discípula de Diamantina Rodríguez. Ganó abondos concursos y llegó a grabar un discu, 'Aires de Peñamellera'. Incluyéronla amás nel 2004, 2007 y 2010 na llista del Memorial Silvino Argüelles, que reconoz a los diez meyores voces del añu.
A María Sánchez Blanco enterráronla esti llunes nel cementeriu del so Robriguero natal, nel conceyu de Peñamellera Baxa. Dende la noticia del so fallecimientu, fueron numberoses les muestres de pésame y apoyu a los sos familiares llegaes dende l'ámbitu de la cultura y el cantar asturianu, ente elles les de les tamién cantantes Marisa Valle Roso y Anabel Santiago. Tamién de l'Asociación de la Canción Asturiana (AICA).
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
