El Muséu de Belles Artes algama un récord nuevu en 2023 al superar los 120.000 visitantes

Europa Press Asturias
Publicado: lunes, 4 diciembre 2023 18:19
Seguir en


UVIÉU, 4 Dic. (EUROPA PRESS) -

El Muséu de Belles Artes d'Asturies marca en 2023 un finxu nuevu na so historia al superar los 120.000 visitantes no que va d'añu. Y ye que, a 30 de payares, la pinacoteca rexonal algamó los 120.784 visitantes. Una cifra cola que l'equipu del muséu asturianu celebra un añu de trabayu nel que'l públicu respondió col so apoyu y compañía.

Destaquen dende'l muséu que'l datu resulta de impactu grande al aumentar en 8.943 visitantes el total consiguíu en 2019, añu clave no qu'a la recepción de visitantes se refiere, cuando se superaron pela primer vez los 110.000 visitantes.

Nesti sentíu, a empiezos d'avientu de 2019, el Muséu de Belles Artes d'Asturies sumara 104.579, mentes que nel añu en cursu yá ye más de 120.000 el públicu que pasó peles sales y esposiciones de la pinacoteca rexonal.

Per otru llau, el cursu pasáu, que nuevamente llogró superar los 100.000 visitantes, consiguiera 99.797 al concluyir payares. Ye por ello que 2023, con 20.987 visitantes más qu'en 2022, y 8.943 más qu'en 2019, asítiase como'l meyor añu na historia de la Institución.

Contenido patrocinado