Pink Floyd reediten tola so discografía

Reuters

MADRID, 8 d'Agostu (EUROPA PRESS)

Pink Floyd y EMI Music, asociación que vien de 1967, anuncien el llanzamientu a partir del 27 de setiembre del 2011 d'una serie d'ediciones de la so obra en CD, DVD, Blu-Ray, SACD (Super Audiu CD), en tolos formatos dixitales y pa iPhone Apps.

La llexendaria banda, que se caltién como ún de los artistes más exitosos, populares y emblemáticos de tolos tiempos, firmó recientemente un nuevu acuerdu con EMI pa desarrollara una serie de llanzamientos multi-formatu con material d'archivu escoyíu por Pink Floyd y EMI mientres un llargu procesu.

Estos llanzamientos, baxo'l lema 'Why Pink Floyd?...', van realizase pa satisfaer a la gran mayoría de los siguidores de la banda, mientres una serie de caxes super-deluxe tán pensaes pa los fans más fieles con sets multidiscos que contienen tomes alternatives, cantares sin publicar, películes restauraes de conciertos y una grabación de la lexendaria actuación de The Dark Side Of The Moon en Wembley en 1974.

Nesti gran proyectu, amás de los CD remasterizados Discovery y les caxes Immersion con CD/DVD/Blu-Ray y memorabilia, van tar les Experience Editions que van añadise al álbum clásicu con conteníu adicional pa ofrecer una esperiencia auditiva más fonda.

Storm Thorgenson, director artísticu de la banda mientres munchos años, supervisó'l diseñu del proyectu, incluyendo nuevos llibretos pa los álbumes, nueves ilustraciones pa les caxes y menús pa los conteníos de los DVD.

La fotógrafa Jill Furmanovsky incluyó nestos diseños y llibretos semeyes inédites y los collaboradores de Pink Floyd James Guthrie (n'Estaos Xuníos) y Andy Jackson (en Reinu Uníu) encargáronse de les remasterizaciones dixitales y d'algamar la máxima calidá nel son y los audiovisuales.

La documentalista Lana Topham supervisó meticulosamente la restauración de les películes históriques de Pink Floyd, incluyendo les de les caxes 'Immersion' con 'The Dark Side Of The Moon' y 'Wish You Were Here'.