La Preba de la Sidra torna a Gascona del 1 al 7 de xunu

   UVIÉU, 21 May. (EUROPA PRESS) -

   La cai Gascona d'Uviéu va volver a ser ente'l 1 y el 7 de xunu'l focu de la celebración de la XXVI edición de la Preba de la Sidra, con actividaes alredor de la primer sidra del añu, cates y xornaes gastronómiques de 'Platos a la Sidra'.

   El conceyal de Turismu d'Uviéu, Alfredo García Quintana, presentó la nueva edición, entamada pol Bulevar de la Sidra Gascona y cola collaboración del Conceyu y Caxa Rural d'Asturies.

   El conceyal recordó que la Preba de la Sidra ta reconocida como Fiesta d'Interés Turísticu Rexonal y supón ún de los grandes elementos de diferenciación d'Uviéu, al ser un encantu turísticu qu'identifica a la capital dientro y fora d'Asturies.

   Les actividaes de la fiesta de la Preba, principal eventu de l'asociación de sidreríes del bulevar, van empezar el vienres 5 de xunu, con una charra coloquiu sobre la cultura sidreraa y el conciertu a les 21.00 hores de Fran Juesas.

   El sábadu 6 de xunu va tener llugar la segunda Preba de la sidra artesano a les 12.00 hores, y a les 17.00 va tener llugar el concursu oficial d'escanciadores. El domingu ente les 12.00 y les 15.00 hores celebrará la XXIV PReba de la sidra, eventu nel que podrá tastiase la selección de sidres de 17 llagares participantes.