UVIÉU 27 Ene. (EUROPA PRESS) -
La Conseyería de Cultura, Política Llingüística y Deporte publicó esti llunes una resolución nel BOPA pola que se incoa procedimientu pa esixir el cumplimientu del deber de conversación del Palaciu de los Vígil Quiñones, en San Esteban d'Aramil, Siero.
Al traviés d'unes declaraciones a los medios, l'alcalde de Siero, Ángel García, afirmó que la reactivación del procedimientu foi una iniciativa personal y que dende'l Conceyu, al ser un Palaciu protexíu como BIC, encamentaron al Principáu a caltenelu.
Cultura realizó una visita a les instalaciones pa conocer l'estáu del Palaciu y los llabores inmediatos de caltenimientu. A partir d'ehí, Conceyu y Conseyería collaboraron p'alcontrar al propietariu del inmueble depués de dellos cambios de titularidá.
Según esplicó García, el propietariu actual del Palaciu ye una sociedá d'Unicaja con sede en Málaga. L'alcalde contacto con ellos y destacó que "tuvo mui bona respuesta" y que "como nun podría ser d'otra manera, van cumplir con ello". "Yo creo qu'en poques feches vamos tener una noticia bona: que'l Palaciu tien un propietariu que quier recuperalu, que ye l'oxetivu que tenemos dende'l Conceyu", sentenció.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
