El Principáu va estudiar la propuesta del SOMA de declarar la cultura minera como BIC

UVIÉU, 22 Sep. (EUROPA PRESS) -

La viceconseyera de Cultura, Política Llingüística y Turismu, Vanessa Gutiérrez, aconceyó esti vienres col secretariu xeneral del SOMA-Fitag-UXT, José Luis Alperi, y trató, ente otros asuntos, la posible declaración como Bien d'Interés Cultural (BIC) de la cultura minera.

Depués de la xunta, dende'l SOMA indicaron que la cultura minera ye "un elementu singular y específicu de los Valles Mineros que tien de salvaguardase pal so respetu y promoción". Asina, propunxeron protexer esa "seña d'identidá" con esta declaración al ser "una manifestación significativa y relevante dende'l puntu de vista identitariu y cultural".

Per otru llau, la Viceconseyería va apoyar y partipar na edición d'un diccionariu de términos mineros que tome toles variantes llingüístiques y territoriales de los Valles Mineros. Esti proyectu llingüísticu dirixíu pola Universidá d'Uviéu, cuenta cola participación de la Dirección Xeneral d'Enerxía y Minería, Hunosa y el SOMA-Fitag-UXT.

Per otru llau, el SOMA propunxo desenvolver nel Pozu San Xosé en Turón un proyectu vinculáu a la xestión, restauración y caltenimientu de recursos de patrimoniu industrial, a lo que sumaría un proyectu educativu pa formar profesionales sobre la xestión, la restauración y el caltenimientu del patrimoniu industrial.