UVIÉU, 9 Abr. (EUROPA PRESS) -
L'Índiz Xeneral de Producción Industrial (IPI) menguó un 10,7% interañal el pasáu mes de febreru n'Asturies, 9,4 puntos más que la media nacional, que s'amenorgó un 1,3%, según datos publicaos pol Institutu Nacional d'Estadística (INE).
La tasa añal de la producción industrial aumenta en trés comunidaes autónomes y cai n'otres 14. Castiella y Llión (12,9%), Cantabria (3,7%) y Aragón (1,7%) fueron les qu'anotaron les xubíes más destacaes, ente que nel llau opuestu asítiense La Rioxa, Asturies y Estremadura con retrocesos d'un 11,2%, 10,7% y un 9,1%, respectivamente.
No que va d'añu la producción industrial n'Asturies menguó un 9,4%,, frente a un descensu del 2,2% de la media nacional.
Por destín económicu, los bienes de consumu nel so conxuntu baxaron na rexón un 4,8% con un descensu del 17,3% nel casu de los duraderos y un 4,2% menos pa los non duraderos. En cuanto al restu, los bienes d'equipu menguaron un 19,9%, los bienes entemedios anotaron un 4,6% menos y los de la enerxía, un 15,9% menos.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
