UVIÉU, 2 Nov. (EUROPA PRESS) -
Renfe vendió yá más de 12.000 billetes pa viaxar nos servicios nuevos d'alta velocidá ente Asturies y Madrid. La compañía llanzó esti xueves a les 9.00 hores una campaña de Superprecios pola inauguración de los servicios d'alta velocidá, que van enllazar Asturies con Madrid, Castiella y Llión y Comunidá Valenciana pela variante de Payares a partir del 30 de payares.
Dende les 9.00 hores, cuando empezó la venta de les places, hasta les 13.00 hores, algamóse la cifra de más de 12.000 billetes emitíos per toles canales de venta disponibles: renfe.com y la APP de Renfe, les taquilles de les estaciones, el teléfonu 912 320 320, les máquines autoventa y axencies de viaxes.
La campaña promocional de 25.000 places con Superprecios dende 18 euros, va allargase 10 díes, dende güei hasta'l 11 de payares. Los billetes promocionales pa celebrar l'estrenu de l'alta velocidá Asturies-Madrid van poder adquirise pa viaxar ente'l 30 de payares de 2023 y el 15 de febreru de 2024.
Los billetes con Superprecios tán disponibles pa los viaxeros con orixe en Madrid, Segovia, Valladolid, Palencia o Llión y que lleguen o salgan d'Asturies.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
