Publicado 08/03/2019 12:35CET

Silvia Quesada presenta'l cantar 'La mesma revolución' coincidiendo col Día de la Muyer

Silvia Quesada presenta'l cantar 'La mesma revolución' coincidiendo col Día de l
SILVIA QUESADA.

UVIÉU, 8 Mar. (EUROPA PRESS) -

La cantante asturiana Silvia Quesada acaba de publicar el cantar 'La mesma revolución' coindiciendo col 8 de marzu, Día Internacional de la Muyer. El tema ye un adelante del so discu próximu, que se va publicar anguaño.

'La mesma revolución' ye una canción feminista de corte pop con lletra del cantautor Alfredo González y que muestra como va ser el trabayu próximu de la interprete, que va apuntar más al pop. Otra manera, el tema cuenta con un videoclip dirixíu por Jhonny Gleez y producíu por A Mansalva que se pue ver en plataformes como YouTube.

Silvia Quesada (Tinéu, 1986) ye una de les cantantes de más sonadía de la música asturiana. Depués de poner la so voz a grupos como Blima, Gatos del Fornu o los mesmos Tejedor, nel 2014 publicó 'La pena abierta', el so primer trabayu en solitariu y onde se movió ente la canción d'autor y el pop.

Asturianu ofrecido por