'Torrente 4' ye'l meyor estrenu español de la historia, con 8,12 millones d'euros

MADRID, 13 de Marzu (EUROPA PRESS)

La cuarta entrega de la saga de Santiago Segura estrenóse'l pasáu vienres y dende esi día yá too indicaba que les cifres del so primer fin de selmana seríen impotentes. Una vez fechu'l recuentu confírmase que 'Torrente 4' ye yá'l meyor estrenu español de la historia, con algo más d'un millón d'espectadores y una recaudación de 8,12 millones d'euros.

Estrenada en 665 cines y según datos publicaos por Box Office Spain, esta cinta fizo subir la cuota de pantalla del cine español hasta'l 57% mientres esti fin de selmana. Mui lloñe síguenlu en recaudación 'Rango' (1,32 millones), 'Cisne Negro' (0,86), 'Destino oculto' (0,64) y 'El Discurso del Rey' (0,58 millones), informa Rentrak Spain.

Les cifres collechaes por 'Torrente 4, Lethal Crisis' tres el so estrenu prevén que va ser la película más exitosa de la saga, pues la so primer entrega recaudó en total 10,9 millones d'euros, 'Torrente 2' superó los 22 millones, y la tercer parte llegó hasta los 18,1 millones d'euros.

Na presentación de la película'l pasáu miércoles, Segura yá avisó la so intención de da-y 'torrentazos' al públicu "hasta que canse", algo qu'hata aogra paez que nun va asoceder, a pesar de que'l mesmu cineasta nun duda en calificar a José Luis Torrente como un "anormal".