UVIÉU, 19 Oct. (EUROPA PRESS) -
Un total de 39 persones preinscribiéronse como aspirantes a ser cabeza de llista nes primaries autonómiques de Podemos Asturies. D'esti procesu va salir la composición de la llista electoral pa les elecciones autonómiques de 2019 y la persona que nesos comicios va optar a la Presidencia del Gobiernu asturianu por Podemos Asturies.
Ente los aspirantes a dirixir Podemos ta'l secretariu xeneral actual de la formación n'Asturies, Daniel Ripa, amás de los diputaos Andrés Fernández Vilanova, Lorena Gil y Paula Valero.
A ellos súmanse la coportavoz de Podemos Asturies y conceyala de Xixón Sí Puede, Nuria Rodríguez, la responsable d'organización de Podemos, Jara Cosculluela, y el coordinador políticu de Somos Uviéu, David Acera.
Dende la dirección del partíu "hai enfotu en llograr una candidatura de consensu que reflexe la pluralidá de sensibilidaes y perfiles representaos na organización".
A partir d'esti xueves ábrese'l plazu de trés selmanes pa configurar la llista definitiva y, dende esti vienres hasta'l martes de la selmana próxima va tar abiertu'l plazu pa subsanaciones.
La publicación de les candidatures definitives va ser el 12 de payares, la campaña electoral y los debates presenciales van ser del 13 al 19 de payares y les votaciones van ser ente'l 20 y el 25 d'esi mesmu mes. Les resultaos van ser proclamaos el 27 de payares.
