UVIÉU, 23 Abr. (EUROPA PRESS) -
La Universidá d'Uviéu y l'Academia de la Llingua Asturiana anunciaron esti xueves la suspensión de la edición d'anguaño de la Universidá Asturiana de Branu (UABRA), que diba celebrase na primer quincena d'agostu.
La institución llingüística indicó al traviés de nota de prensa qu'anque podíen dase les condiciones alministratives y normatives afayadices pa la so organización, "el compromisu dirixíu a garantizar la salú coleutiva del pueblu asturianu ye prioritariu".
La Universidá Asturiana de Branu (UABRA) ye una programación formativa de dos selmanes de duración en Cangas del Narcea y que se
compón de siete cursos, conferencies, conciertos y esposiciones. Esta concentración d'actividaes fai que na UABRA participen y convivan más de 150 persones, ente personal llaboral, profesoráu, alumnáu, conferenciantes y músicos.
Según espliquen Universidá y Academia, les dos instituciones llamentaron la perda de la edición d'esti añu, anque en collaboración col Conceyu de Cangas del Narcea mantienen el compromisu de celebrar la Uabra nel 2021.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
