Zapico garantiza diálogu nel nuevu decretu de regulación de los chiringos nes sableres

   UVIÉU, 25 Mar. (EUROPA PRESS) -

   El Conseyeru d'Ordenación de Territoriu, Urbanismu, Vivienda y Derechos Ciudadanos, Ovidio Zapico, garantizó esti miércoles el diálogu pa ellaborar el decretu que va regular los chiringos nel Principáu y incidió en que la conseyería que dirixe siempre dialoga con toos aquellos que puedan vese afectaos pola so normativa.

   "Agora tamos na esposición pública. Vamos esperar que termine'l plazu de la esposición pública y vamos valorar, pero nun tamos plantegando nada que nun esista yá. Yo solo quiero dexar claro que ye una normativa que yá esiste, en concreto se refier a esi malestar que tienen col tener que desmontar fora de temporada, esisten dende l'añu 2013", dixo Zapico.

   Añedió'l conseyeru qu'otra cuerstión diferentes ye'l motivu pol qu'hasta agora y de manera arbitraria namás ta cumpléndose en dellos casos.

   "Eso ye lo que vamos tener que ver y qu'encetar, pero yo creo que si por daqué caractericemos esta conseyería y esti gobiernu ta llexislatura foi pola defensa de la nuestra mariña la meyor caltenida d'España y por regularizar los usos que tán dándose alredor de la mariña", añadio.

   Nesti sentíu Zapico manifestó que de xuru que va haber chiringos que-yos paeza bien ceo cerrar a les 12 y de xuru que va haber vecinos cercanos que-yos paeza tardísimo cerrar a les 12 y lo que va buscar el próximu decretu va ser concitar tolos intereses.