El Principáu acabará de pagar nel 2016 la nueva deuda pal Sespa

PRINCIPADO

UVIÉU, 16 de Payares (EUROPA PRESS)

La deuda que va alquirir el Principáu por cuenta de l'aprobación el próximu día 23 nel parlamentu asturianu de la llei d'endeudamientu en 64,2 millones pal Serviciu de Salú del Principáu d'Asturies (Sespa) va acabar de pagase nel añu 2026 y va traer el pagu n'intereses de 3,5 millones.

Asina consta na documentación que'l Gobiernu asturianu entregó xunto col testu dispositivu de la norma. Nel informe ellaboráu pol xefe de serviciu de Política Financiera del Principáu, Miguel Ángel González, establezse que l'impactu presupuestariu de la norma que se va aprobar supón la formalización d'una operación de creitu nes siguientes condiciones: plazu d'amortización de 10 años, dos años de falta, amortización y liquidación d'intereses añal y un tipu d'interés fixu del 0,85 por cientu.

D'esta forma, l'amortización de la deuda nun va empezar hasta l'añu 2019, con una cantidá fixa de 8.025.572 euros añales hasta 2026. Los intereses van ser de 545.739 euros (en 2017, 2018 y 2019), 477.522 (2020), 409.304 (2021), 341.087 (2022), 272.869 (2023), 204.652 (2024), 136.435 (2025) y 68.217 euros nel 2026.

La llei promovida pol Executivu y que va recibir preste'l día 23 derívase de la revisión al alza del oxetivu de déficit pa les comunidaes autónomes pal 2016, que s'asitia en 0,7%. El Gobiernu señala que'l Serviciu de Salú del Principáu d'Asturies gastó 165 millones más de los previstos nel presupuestu prorrogáu del 2016.

Pa poder cubrir esa cantidá, amás de la norma que va ser aprobada, recurrióse a los aforros xeneraos na execución prspupuestaria procedentes de los intereses de la deuda y a ingresos adicionales llograos a lo llargo del exerciciu procedentes del sistema de financiación autonómicu.

Na documentación qu'acompaña la llei, a la que tuvo accesu Europa Press, recuéyese un documentu del Serviciu de Salú del Principáu d'Asturies nes que fixa les sos necesidaes de financiación adicional en 135,9 millones, de los que 16,4 correspuenden a Gastos de personal, 103,3 a Gastos en bienes corrientes y servicios, y 16,1 millones a Tresferencies corrientes.

Nesi mesmu informe refléxase que se produxeron cambios por importe de 28.907.510,82 euros derivaes de la tresferencia de presupuestu de la Conseyería de Sanidá pa realizar los pagos a Xestión d'Infraestructures Sanitaries d'Asturies (Xispasa) y d'otros cambios.