BILBO 21 May. (EUROPA PRESS) -
Askabide elkartearentzat dirua biltzeko kontzertu bat izango da asteazkenean, maiatzaren 22an, Bilborock aretoan dela bide. Aitor Jauregi musikari bilbotarrak gitarra klasikoko emanaldia eskainiko du, eta Askabidek Bilbao Balioen Hiria lehiaketan saritutako "Mari Makeda" proiektua aurkeztuko du eta proiektu beraren baitan elkarteko emakumeek diseinatu eta egindako arropen erakusketa egingo du.
Askabide elkartea irabazi asmorik gabeko erakunde independentea da, eta gizartetik baztertuta dauden emakumeen normalizazioaren eta gizarteratzearen alde lan egiten du. Bilboko Udalak laguntzen eta bultzatzen du Bilbao Balioen Hiria ekimena, Ideiak Martxan deialdiaren baitan.
Horrela, Aitor Jauregi gitarra jotzaile bilbotarrak eskainiko duen errezitaldia arratsaldeko 18:30etik 21:00etara izango da, eta sarrerak bost euro balioko du, Bilboko Udalak jakinarazi duenez. Estilo ezberdinetako piezak joko ditu, besteak beste, Isaac Albeniz, Francisco Tárrega eta Joaquín Turinaren konposizioak.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
