BILBO 21 (EUROPA PRESS)
Barakaldoko (Bizkaia) Landaburu kaleko bost atalondotako bizilagunak euren etxebizitzetan itxita daude asteazken honetan, fatxadan jarritako aldamio baten ezegonkortasunaren ondorioz, haize bolada gogorrek mugitu egin baitute.
Barakaldoko Udaleko iturriek Europa Press albiste agentziari adierazi diotenez, gertaera eguerdi inguruan izan da, asteazken honetan, Landaburu kalean. Haizeak aldamioa jo eta mugitu du, eta, fatxadara lotuta dagoen arren, hegaletako batean okertuta geratu da.
Angel Madrazo Hiri Segurtasuneko zinegotzia eta Barakaldoko Udaltzaingoa bertaratu dira, eta Landaburu kaleko 3, 5, 7, 9 eta 11 zenbakietako bizilagunei euren etxeetan itxita geratzeko agindu zaie, bestelakorik esan arte. Etxetik irteko beharra badute soilik atera ahalko dira, Udaltzaingoari deitu ostean, eta bere laguntzarekin.
BILBO
Bestalde, Bilboko Udaleko iturriek jakinarazi dute asteazken honetako 11:00ak aldera zuhaitz bat erori dela Campo Volantin kalean, Agirre Anaiak biribilgunearen parean.
Ezbeharrak ez du inor zauritu, baina zuhaitzak kale horretako eraikin bateko hesiaren zati bat apurtu du erori denean. Suhiltzaileek kendu dute jada arbola.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
