Eguraldia.- Eguzkia jaun eta jabe asteartean

Eguzkitsu
EUROPA PRESS
Europa Press País Vasco
Publicado: lunes, 16 junio 2025 17:07
Seguir en

BILBO 16 Jun. (EUROPA PRESS) -

Euskalmet euskal meteorologia agentziaren iragarpenaren arabera, asteartean, ekainaren 17an, eguzkia izango da jaun eta jabe eta tenperatura are gehiago igoko da.

Goizean goiz barnealdeko bailara batzuetan behe-lainoa izango da, baina, gainerakoan, zerua oskarbi agertuko da egun osoan. Haizea ahul ibiliko da, eta eguerditik aurrera brisa sartuko da.

Tenperatura 25 gradu ingurura iritsiko da kostaldean eta 30 gradura barnealdean; Araba eta Nafarroa hegoaldean 30 graduak ere gaindituko dira. Hiriburuetan, Baionan 16 gradu espero dira gutxienez eta 27 gehienez, Bilbon 16 gutxienez eta 27 gehienez, Donostian 14 gutxienez eta 25 gehienez, Gasteizen 11 gutxienez eta 29 gehienez eta Iruñean 12 gutxienez eta 30 gehienez.

Itsasbazterrean norabide aldakorreko haizea ibiliko da 2ko indarrarekin, eta eguerdi inguruan ipar-ekialdetik finkatuko da 3koarekin; itsaso kizkurra eragingo du, eta arratsaldean itsaskirria.

Ipar-mendebaldeko hondoko itsasoak 0,5 metro inguruko olatuak altxatuko ditu. Itsasgorak 09:40an eta 22:01ean izango dira, eta itsasbehereak 03:24an eta 15:41ean. Uraren tenperatura 20 gradukoa da eta ikuspena hamar kilometrotik gorakoa izango da.

Contenido patrocinado