Eguraldia.- Euritsua izango da larunbata

BILBO 9 Ene. (EUROPA PRESS) -

Euskalmet euskal meteorologia agentziaren iragarpenaren arabera, larunbatean, urtarrilaren 10ean, egu na euritsua izango da, batez ere Kantauri isurialdean, iluntzerako atertuz. Euria barra-barra egingo du, batez ere ekialdean eta leku askotan etengabe. Arratsaldeak aurrera egin ahala, mendebaldetik ekialdera, atertuz joango da. Elur-kota 800 metro inguruan egongo da hasieran eta arratsalderako igotzen joango da, 1.200 metro inguruan kokatu arte.

Ipar-mendebaldeko haizeak gogor joko du goizean eta arratsaldean indarra galduko du. Tenperatura maximoak 10-11 gradu ingurukoak izango dira kostaldean eta 5-8 gradu artekoak gainerako lekuetan. Hiriburuetan, Baionan 7 gradu espero dira gutxienez eta 10 gehienez, Bilbon 7 gutxienez eta 11 gehienez, Donostian 6 gutxienez eta 10 gehienez, Gasteizen 2 gutxienez eta 6 gehienez eta Iruñean 2 gutxienez eta 6 gehienez.

Itsasbazterrean ipar-mendebaldeko haizea ibiliko da 6ko indarrarekin eta arratsaldean 5ekoarekin, eta egunaren amaieran hego-osagaira aldatuko da 3koarekin; itsaso zakarra eragingo du, eta arratsaldean itsaski handia. Ipar-mendebaldeko hondoko itsasoak 3-3,5 metro arteko olatuak altxatuko ditu, eta egunaren amaieran 2,5 metrora jaitsiko dira. Itsasgorak 09:36an eta 22:10ean izango dira, eta itsasbehereak 03:15ean eta 15:57an. Uraren tenperatura 13 gradukoa da eta ikuspena bat eta lau kilometro artekoa izango da.