Eguraldia.- Giro motela astelehen honetan

BILBO 7 Jul. (EUROPA PRESS) -

Euskalmet euskal meteorologia agentziaren iragarpenaren arabera, astelehen honetan, uztailaren 7an, eguraldi motela izango dugu. Zerua estalita egongo da eta tarteka euria egingo du, batez ere Kantauri isurialdean eta goizean.

Arratsaldean aterruneak luzatu egingo dira iparraldean eta Araba hegoaldean eta Nafarroa erdialdean ostarteak zabalduko dira. Nafarroa hegoaldean, berriz, goizean hodeiak eta ostarteak agertuko dira zeruan eta arratsaldean oskarbi geratuko da.

Ipar-mendebaldeko haize bizia ibiliko da eta tenperatura apur bat gehiago jaitsiko da: 20-22 gradu artean geratuko dira leku askotan eta Nafarroa hegoaldean zertxobait altuagoak izango dira.

Hiriburuetan, Baionan 17 gradu espero dira gutxienez eta 21 gehienez, Bilbon 18 gutxienez eta 22 gehienez, Donostian 17 gutxienez eta 21 gehienez, Gasteizen 15 gutxienez eta 19 gehienez eta Iruñean 17 gutxienez eta 21 gehienez.

Itsasbazterrean ipar-mendebaldeko haizea ibiliko da 3-4ko indarrarekin eta 5eko tarteekin arratsaldean, eta itsaskirria edo itsaskia eragingo du, arratsaldean itsaski handiko eguneekin.

Ipar-mendebaldeko hondoko itsasoak 1,5 metro inguruko olatuak altxatuko ditu. Itsasgorak 02:58an eta 15:23an izango dira, eta itsasbehereak 09:04an eta 21:31n. Uraren tenperatura 23 gradukoa da eta ikuspena lau eta hamar kilometro artekoa izango da.