EHUko Arte Ederren Fakultateak Francisco Javier San Martin irakaslea omenduko du ostiral honetan

BILBO 4 Feb. (EUROPA PRESS) -

Euskal Herriko Unibertsitateko (EHU) Arte Ederren Fakultateak omenaldia egingo dio 2021eko abenduaren 7an hil zen Francisco Javier San Martin irakasleari. Ostiral honetan izango da, otsailaren 4an, Arte Ederren Fakultateko hallean (Leioako campusa).

EHUk jakinarazi duenez, Francisco Javier San Martin EHUko Leioako ataleko Artearen Historia eta Musika Saileko irakasle titularra zen eta 1979an hasi zen Arte Ederren Fakultatean eskolak ematen.

Irakaskuntza eta arte garaikidearen historiaren dibulgazioa ziren ikerketa eta idazketarekin batera bere grinak. Artearen historialari, kritikari eta komisario profila zeukan eta ekarpen asko egin zituen hiru esparruotan.

Bere argitalpen garrantzitsuenen artean daude 'Piero Manzoni' (Nerea, 1998), 'Dalí-Duchamp, una fraternidad oculta' (Alianza, 2004), 'Una estética sostenible. Arte en el final del Estado del bienestar' (Nafarroako Unibertsitate Publikoa, 2007) eta 'Guía para el arte del siglo XXI' (BilbaoArte, 2019).

Ekitaldia 16:00etan hasiko da. Urretabizkaia Txarangak parte hartuko du, omenduaren ibilbide akademikoa birpasatuko da eta Arte Ederren Fakultateko irakasle batek hildakoaren omenez egindako lana oparituko zaio familiari.