'Euskal Literatura eta Artea' irakurle taldeak Harkaitz Canoren 'Twist' izango du aztergai ostegunean, Artiumen

GASTEIZ, 11 (EUROPA PRESS)

'Euskal Literatura eta Artea' euskarazko irakurle taldearen beste saio bat egingo da ostegunean, abenduaren 12an, Gasteizko Artium museoan, eta Harkaitz Cano idazlea eta Mikel Ayerbe irakaslea elkartuko ditu. Lasarteko idazlearen 'Twist' eleberria izango da taldeko partaideen solasaldiaren ardatza, eta istorioaren nondik norakoen eta artearen munduaren arteko loturak aztertuko dira.

Saioa arratsaldeko 19:30ean hasiko da eta sarrera librea izango da. Eleberria lehendik irakurria izatea komeni dela jakinarazi dute Arte Garaikideko Euskal Zentro-Museoko arduradunek.

'Euskal Literatura eta Artea' euskarazko irakurle taldea Euskal Herriko Unibertsitateko (EHU) Hizkuntzalaritza eta Euskal Ikasketen Saileko irakasle Mikel Ayerbek koordinatzen du. Parte hartzaileek beren gogoetak partekatu eta liburuak artearekin dituen loturak aztertu eta argitu ahal dituzte. Saioek ordu eta erdiko iraupena izaten dute, eta saioaren bigarren zatian liburuen egileek parte hartzen dutela da berezitasun nagusia.

Harkaitz Canok 2011n argitaratu zuen 'Twist', erruari, maitasunari, traizioari eta adiskidetasunari buruzko istorioa, eta Kritikaren Saria eta Euskadi Literatura Saria eskuratu zituen. 2013an gaztelaniaz argitaratu zen eleberria, Gerardo Markuletaren itzulpenean, eta hedapen handiagoa lortu zuen.