A CORUÑA 20 Ago. (EUROPA PRESS) -
O corpo sen vida dun home foi localizado na noite do xoves, na praia das Lapas, na cidade da Coruña, segundo informa o 112 Galicia.
Ao redor das 21,00 horas, o 112 Galicia recibiu unha chamada de Salvamento Marítimo e dos Bombeiros. Os medios indicaban que unha persona particular notificáralles o achado do que podería ser un corpo nunha zona rochosa do areal das Lapas.
Os xestores do CIAE-112 Galicia alertaron aos servizos sanitarios, aos axentes da Policía Nacional e Local e ao Servizo de Gardacostas de Galicia.
Finalmente, os Bombeiros da Coruña confirmáronlle ao 112 que efectuaran o rescate do corpo, cunha embarcación, pero que nada se puido facer por salvarlle a vida.
Desde os Bombeiros, precisaron a Europa Press que no operativo participou o seu grupo de rescate acuático que, en colaboración cos socorrristas de Riazor, procederon a localizar o corpo, o dun home, de entre 40 e 50 anos.
As forzas da orde investigan as circunstancias do suceso, aínda que fontes consultadas por Europa Press indicaron que podería tratarse dun pescador que desapareceu hai un mes.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
