Rosa Veiga - Europa Press
OURENSE, 1 Mar. (EUROPA PRESS) -
O presidente do PP, Pablo Casado, afeou ao presidente do Goberno, Pedro Sánchez, que este domingo acudise a Vitoria "a meterse" co presidente da Xunta, Alberto Núñez Feijóo, e "non fixese referencia" aos dous desaparecidos polo derrube do vertedoiro de Zaldibar.
Nun acto celebrado en Ourense para arroupar ao líder dos populares galegos no 11 aniversario da súa primeira maioría absoluta, Casado aproveitou para cargar tamén contra "esa mesa de negociación" coa Generalitat na que "se xoga cos intereses de Galicia".
Neste sentido, o líder do PP lembrou o seu ofrecemento de pactar os Orzamentos Xerais "para que non dependa dos independentistas". "Pero non nos contestou porque queren impor unha visión do Estado desigual", lamentou.
Ademais da participación de Casado, este acto no Pabellon Os Remedios da cidade das Burgas contou con Feijóo como gran protagonista, arroupado polo expresidente do Goberno Mariano Rajoy, polo lider dos populares ourensáns, Manuel Baltar, e pola plana maior do PP na Comunidade.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
