VIGO 2 Feb. (EUROPA PRESS) -
O Xulgado de Instrución número catro de Vigo chamou a declarar en calidade de investigados por supostos delitos de acoso sexual a varios profesores da Escola Superior de Arte Dramática de Galicia (ESAD), con sede na cidade olívica.
Segundo confirmaron fontes xudiciais a Europa Press, estas persoas foron citadas polo xulgado para declarar esta mesma semana, en todos os casos como investigados en relación con delitos de acoso sexual.
A investigación xudicial partiu das denuncias de varias alumnas do centro educativo. A partir destes acontecementos, estudantes e profesoras iniciaron a principios de 2020 un calendario de protestas e paros para denunciar a situación.
Naquel momento, unha das profesoras que apoiou ás estudantes asegurou que estes supostos abusos "non foron episodios puntuais", xa que tamén exalumnas confirmaron "comportamentos que exceden meros comentarios" e supoñen "violencia contra as mulleres".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
